昨晚架車送朋友回家，朋友下車後便等待前面的士開出，誰不知司機大叔一個倒 車，來不及反應已「呯」的一聲撞個正著，心裡第一時間想「又中招」(因為試過一次經驗)，即時熄車落車理論，幸好這次的司機大叔較為「順攤」，肯作出較為 合理的賠償。但他說要隨他到櫃員機提款，心想沒大不了便跟他一起走，我在車中等他時，看見他提取款項後向我方來時，忽然一個急轉狂奔，似乎大事不妙，莫非 他「棄車保帥」？！
過了幾分鐘他再次出現，面有懼色說他剛才完成提款後忘記取錢便離開，到發覺後款項已不翼而飛，心中已經盤算「係咪咁岩呀…」，實在令我難以致信，但看司機大叔一面無耐，而他亦手中亦有一定的賠償金額，我也於心不忍，所以便就此了事。
回想起覺得司機也有使詐的可能性，但就算他真的使詐，我也得到了一定的賠償。若他真的因事急增添損失，便太可憐了。
住在屯門的我，每次駕車外出，總要經過屯門公路至少一次﹝跑元朗往上水另計﹞。屯門公路的鬼故事在坊間流傳甚廣，甚麼小欖三缺一、鬼警察等等，多不勝數，信不信由你。我相信只要你駕車時集中精神，留意車速，留意附近車輛，不亂切線，不緊貼前車，屯門公路是安全的。
但近日我發現公路的柵杆或新建路牌都包著黑膠袋，這些膠袋經過風吹雨打後便會扯爛，在風中可能會看成有東西在飄過，尤其在夜欄人時，那種奇怪感覺尤甚。駕車的你，不要被膠袋嚇怕啊！
記性時好時唔好的我，記得有哩套劇集，記得有張兆輝，記得有戚美珍，記得講炒孖展炒窿... 仲有記得倫伯唱主題曲，其他唔係好記得...
呀，仲有就係記得宣傳片段會話「人人都有佢黃金十年」。究竟，我個黃金十年過左未？
好幸運，哩十年過得幾平穩，我知自己係一個慢熱的人，好多其他人已經做左 o既 野，我會遲 d 先會做，所以我覺得我會有個黃金廿年，甚至更長... :)
近日工作比較清閒，在網上 searching，發覺自己的中文名 initial 域名未有人登記，便手痕地俱為己有... :p
又咁岩朋友撩鬼我夾份租了一個 virtual server，就起左個 blog 加一個相簿，新玩意就當然三日香啦，寫左好多文，又咁岩 HKi down 左幾日，曾經諗過大搬遷，因為最初諗住哩度主要係做一個個人攝影日誌，但近來少影相，所以哩度幾乎無新文。但始終哩度陪左自己接近十年，感情一定行先，最後都係保留哩度的一切，但我希望除左講關於影相之餘，都可以分享下自己在生活中的一切，無謂局限在某一個話題內。
所以從今日起，我會改一改哩個 blog，希望大家多 d 黎啦... :D
嗯... 我另一個 blog 係... http://www.khchung.net/blog
